Langsam chömemer bitz in Groove. Nachde Veschnufpause, minor Köperpfläg, a.k.a. gründlichi Wösch, Chetti Streicheleinheite und chline Reparature, fräsemer Putzt & Gstrählet i eim Schnutz übere nach Valdivia (die Tütschi Stadt). Näbed eme 💉-Pfupf mached eusi zwei Vögel au mal bitz Kultur und lugedsech ä mal dStadt echli ah. Z‘Nacht und Hammer-Bier gits im Bundor äne ufde Isla Teja, legendärs Konzept, Design und Umsetzig – sehr empfehlenswert!
… schön gäll? Am nögschte Morge simmer dä aber zügig abgruscht, will:
Dur de Wald über Schotterströssli gahts dän zerscht mal ue an Punta de Curiñanco.
De wunderschöne Küschtestrass entlang gahts ad Sitio Castillo de Niebla. Im 2015 früsch restauriert als Staatsbetrieb wird da etz zum Rächte gluegt und me mues sech amälde zum ine gah. Super gmacht, idrücklich – und si händ tatsächlich es läbigs Lama (oder so) wo deht wohnt 🙂 … de Sir Burgulon de Erschti cha ändli mal sini Chriegsgurgelglüscht stile und die imposante Feschtige beaugapfle:
In Niebla dörfemer ufdi erschti Fähre, überesetze nach Corral.
Also ich find mich Geil! 🤟 
… eitle Zapfe 🙄 
Corral isch dä allerdings ned s‘erwartete „grössere“ Stedtli als Niebla, sondern no chliner und bitz tricky für Unterkünft in Corral sälber. Ufem Wäg findemer aber es härzigs Cabaña – die beie Vögel wäred fasch vebi gfahre…
Am nögschte Morge isch de Plan A durde Nationalpark Costera Valdiviana bi Colbún z‘fahre… e chli e holprigi Gschicht segs aber machbar – gemäss de Cabaña-Bsitzer/Exkursionsabüter. Nach 20 Meter Schotter und mit bitz Impfmüedigkeit stricht euses Greenhorn aber scho d‘Sägel… 🤷♂️🥱
Chettespane… 
Krassi Strass oder? 
Chahuín Playa
Ja item… umgkehrt und dä astandlos 40km über de kurverichi Wäg nach Oste. Überland ales wieder schön asphaltiert durezoge bis uf Entre Lagos. Deht acho merkt de Viki finally mal, das ich bitz komisch töne… zimmi lut sogar. Wenigschtens hends e bombemässigs Quasi-Eifamiliehus und ich die perfekti Gartewärkstatt zum am nögschte morge usenandgno z‘wärde… hetem vo Afang ah chöne säge daser nur mus Zündcherzene azieh… (hani aber ersch nach 2 Stund, hihihihi 🤭) … bi etz jedefalls wieder am Start und Läck isch das schön xi dehte!
P.S. … im chline Reschti deht hends s‘erschmal Pichanga gha und vom César 3 Bier gsponseret übercho (Liter, m‘fall, Liter!)
P.P.S. … in Río Bueno hät dä de Burgi dä mal en Energy Drink brucht und im Stripschuppe wele vebi luege 😂 mit wachem Geischt, retrospektiv und reflektierend über s‘vorherrschende schinbare Chilenische Schönheitsideal sinds m‘fall TAMIFROH!!!! Hendses nöd gmacht… no ofense.