Sibundoy – San Augustin – Tatacoa – Pereira – Medellín

Bi zauberhaftem Wätter in Ibarra losfahre in richtig Gränze – nachere knappe Stund fangts ah rägele… denn a rägne… denn ah schiffe… und denn so richtig… und hört nöd uf. En chline Vorgschmack uf das wo chunt. Gränzübergang ziehtsech chli aber es witersmal ohni Problem. Impfnachwis vo eusne zwei Vögel will niemer xeh. Umdi 4i listo, welcome to Colombia. Bitz knüttlet vom Schlottere entscheideds grad im Gränzstedtli Ipiales z’crashe, Gält organisiere und d’Sache wenigschtens “Ahztröchne”… Kolumbie isch andersch. Strasse vill besser als befürchtet, vill Niederschlag, vill Grüen, vill Kurve und d’Mänsche miteme Übermass a Fründlichkeit und Hilfbereitschaft usgstattet – insgesamt en guete Schübel fortschrittlicher als Gedacht.

Continue reading “Sibundoy – San Augustin – Tatacoa – Pereira – Medellín”

Loja – Cuenca – Baños – Quito – Ibarra

Ecuador hämmer ja gwüsst dases chli chliner isch als di andere Länder, aber s‘isch aso scho wüki chli. Und bländendi Strasse, richtig Erholig, mal wieder eifach us Asphalt guet Strecki mache. S‘einzige wo nöd absolut top isch isch s‘Wätter. Vor allem di schön Strecki vo Cuenca über Riobamba nach Baños de Agua Santa hämmer eigentli gar nüt xeh. So bis wüki nüt m‘fall, ha am Emil sis Rückliecht uf 5-10m teilwis nüme xeh – derartige Näbel und Nieselräge bis Räge de ganz Wäg. Aber hä ja, hend dermasse Wätterglück gha bis jetzt, chönd und wänd eus nöd Beklage! Aber vo vore…

Gränzübergang voll gschmeidig, kein PCR nötig, chum Lüt, Migration nachere 4täl Stund dure, lug winer strahlet:

Continue reading “Loja – Cuenca – Baños – Quito – Ibarra”

Chavín de Huantar – Yungay – Pacasmayo – Máncora

Ja nach Viki sim Geburtstag ab Huánuco ischs mal nöd so gloffe wie plant… moderat bizite abgfahre am halbi 9i, knapp 5 Minute, “äh sorry dStrass nach La Unión isch gsperrt bis am zwölfi, äxgüsi gäll….”

Hmpf… was machemer? Ja gits en andere Wäg? Ja scho, aber voll durde Schilf, musch gnau wüsse wo dure! Äh ja, gaht scho, händ es Navi… läck nacher hemmer Löcher im Bode mal xeh füren Momänt, vier Stund holterdipolter, ha tänkt heig kei Schrube meh womer in La Unión mal wieder Asphalt xehnd… aber bitz Belohnig heds scho gäh:

Mal richtig schön für eus und chli Hobbitland… und chli aglotzt worde simmer aso au da im Hinterland ☺️🏍

Continue reading “Chavín de Huantar – Yungay – Pacasmayo – Máncora”

Via Lima to the Jungle – Pucallpa -Aguaytíl – Huánuco

Hoi Zsäme! Nachde Semana Santa – “Notfall” – Kiteferie heissts am Mäntig morge früe schnuerschtracks uf Lima go Navi flicke (schinbar schaffeds da am Ostermäntig 🤷‍♂️)… churzi Sach xi, Bildschirm ustusche und zackbum finito. Schnällschtens flüchte us Lima, nüt zum blibe – Vechehr isch fasch so crazy wie in La Paz… ab id Bärge, schowieder überd Ande über de nögschti Abra. Herrlich!

Continue reading “Via Lima to the Jungle – Pucallpa -Aguaytíl – Huánuco”

Cusipata – Cusco

Tropfnass und duregfrohre simmer in Abancay acho. Ufem Wäg hämmer no de Antonio troffe, au en Motoquero – vo Cusco. Het scho deht all Hebel in Bewegig afah setze, dasmer eusi Simmering in Cusco chönd Wächsle. Ganzganzganz en guete Mänsch. In Abancay husch was ässe und früe use. Am Morge am 7i über de Cordillera, wowsie!

Continue reading “Cusipata – Cusco”

Arequipa – Nazca

Ja de Gränzübergang nach Peru isch aso zimmi Schoggi xi 🍫 45 Minute und däne. Zägg bumm. Drum hämmer dä nochli Zyt gha zum umeräne. Glich bis uf Puno ue, zum de Seguro mache – hät dä aber nöd klappet. Heted uf Juliaca ue müse und das hämer nöd wele… lieber Richtig Arequipa. Taktische Zwüschestop in Mañazo, ide Municipalidad und dänn überd Panamericana Antigua uf Arequipa – wow. E Asphaltstrass heds au gha, aber zue wäg Protescht und en Tag warte au kei Luscht. D‘Entscheidig isch behlohnt worde, ä wänn zwüschezitlech tricky Fahre axeit xi isch – über Schlamm, Stei, Wiese und Glungge isch ales debi xi. Vo Pampa über Mondlandschaft… Gewaltig.

Continue reading “Arequipa – Nazca”

Santa Cruz – Trinidad – La Paz – Copacabana

Liebi Lüt… uf Santa Cruz wäremer also nöd ie wänn de Viki nöd de Alejandro kännt het… dank em Alejandro allerdings mus de Ufenthalt für eusi Motoqueros zimmi glatt xi si. Eimal sinds emel am Morge am 8i a eus vebi is Bettli gschliche. Rächti Haudäge 😂 …

Item, für eus isch eher unspannend xi, usser dasmer de Reserve-Rear-Shock händ chöne flicke – am erschte abig. Listo. Us Santa Cruz hämer dä dRoute eher unkonventionell plant, mal chli richtig Selva (Rägewald) uf Trinidad und durs Departemento Bení vo Norde här nach La Paz… definitiv anders…

Continue reading “Santa Cruz – Trinidad – La Paz – Copacabana”

Uyuni – Potosí – Sucre – Samaipata

Also eis vorwäg, Bolivie – eimal meh – wowsie… 🥰 de Emil und ich chömed zwar öppedie chli is schnüferle wägde Höchi, aber läck die Landschafte… fürd Lüt isch zuvorkommend und hilfsbereit stark untertriebe. Hend chli öppis erläbt die ledschde Täg und sind guet vorwärts cho. Di meischte Strasse sind bombastisch… nur midem Benzin ischs sochline Sach, aber bis etz hemmer no immer übercho – solang eusi Vögel bereit sind ab und zue de drüfachi Pris z‘zahle 😂

Continue reading “Uyuni – Potosí – Sucre – Samaipata”