Author: Viktor Lienhard

Langsam chömemer bitz in Groove. Nachde Veschnufpause, minor Köperpfläg, a.k.a. gründlichi Wösch, Chetti Streicheleinheite und chline Reparature, fräsemer Putzt & Gstrählet i eim Schnutz übere nach Valdivia (die Tütschi Stadt). Näbed eme 💉-Pfupf mached eusi zwei Vögel au mal bitz Kultur und lugedsech ä mal dStadt echli ah. Z‘Nacht und Hammer-Bier gits im Bundor äne ufde Isla Teja, legendärs Konzept, Design und Umsetzig – sehr empfehlenswert!

Mir händ eus scho bitz gfröget, obmer eigentli dä ganz Zält/Mätteli/Camping-Sch… umesuscht uf eusne Rugge umepugglet. Aber nei, lug ä da, si probiereds glich mal no us, di zwei Glämpr! Wenigschtens so s’Zält mal es erschtsmal ufstele und so, luege ob ales da isch unds funktioniert… D’Chuchi ufem Lisi mal in Betrieb neh. Filmabig underem Stärnehimmel… schöni Vögel, aber isch gäng das heds Müsli xeit. Mir zwei händ eus no mit de wilde Rössli vetörlet wo eus sind cho bsueche ide Nacht und händ chli de Mond aghüület. D’Mondfinsternis händs vepennt die zwei Löli’s – isch aso wunderschön xi!

Also mängisch mümmer ja scho es bitzli schmunzle… ganz gmüetlich händs xeit. Ganz gmüetlech faheremer richtig Pehuenche Pass mal go luege – nur Asphalt-Strasse, kä Seich händs xeit… und dänn bügeds mal husch rächts ab. Vill z‘früe… am Afang isch ja no luschtig xi, mal chli Underbodewösch und so, voll de Plausch, sogar euses Greenhorn het Freud gha!

Sodeli, am Mäntig am 8. Novämber simmer also gstartet… nöd so wimer tänkt händ allerdings. Nachdem eusi beide Vögel ales plant hend, hends am Suntig abig usegfunde das dLandgränzene zu Argentinie vo Chile her zue sind. Ales offe für uf Argentinie ie, Luft, Wasser, Land – ussert: Landgränze AR-CL 🤷‍♂️ das heisst mir heted scho döfe, aber eusi beide Vögel nöd…

Hou mir sind acho! Und weisch was? Die zwei Vögel au!

Es halbs Jahr händs a eus umeklütterlet die Zwei… schochli pinlech xi – dä simmersi ändli mal chli los xi. Aber dankbar simmer. Dank dene zwei Knallchöpf – und nöd z’ledschd ‘m Papabär – simmer fit wi Turnschue!

Lug da het euses Reisli gstartet… sich sälber hends chli in Szene gsetzt, vo eus hends nume s’Füdli gfötelet 🤷‍♂️

hallo i bims de Emil, lug ich xehn ez wider so uus:

Han en noie Pinsel als Fahrer, de Vik. Läck hät de kei Ahnig pffff, ähnlich wie de letscht…

Vor es paat Mönet hani no soo usxeh:

Voll nackig.. hami gschämmt, biz.