Puh, Ushuaia isch härzig xi, aber läck händ mir eus an Uspuff gfroore. Hät iezoge bis Zündcherze händ gschlotteret! 🥶 Eifach ufde Strass usse im Schneeräge hämmer pfuuset – us Mangel a Alternative fairerwis…
Drum simer aber dä ä gange. In Richtig warm – finded ä di beide Länkerhalter. Vamos al norte, listo! Wieder i eim Schnuz ufe uf San Sebastián … wos mitlerwile so hät usxeh:
Zwei Stündli spöter dä glich no bis San Gregorio, wieder churz vord Gränze. Ready für Integración Austral morn morge. 9i deht, easy peasy, dureschlüüfe und Argentina, acá estamos! 💪
Läck hät das Wind. So vill dasmer in La Esperanza crashed. Pueblo isch z‘vill xeit. E Tankstell und es Hotel. Gnau das womer bruched. Ah ja und s’Pepamobil träffemer dehte – mega Gfährt mit de erfahrene Länkradhalter Renate und Bruno. Abxeh vom nette Gspröch gänds eusne Grüenschnäbel und es par zimmi gueti Tips! Buen Vieje!
Nögschti Station El Calafate. En Gletscher heigs deht, munkledme… nach solang Pampa isch die Talifahrt scho imposant!
In Calafate kriegemer en mega Schigge Privatparkplatz und schicked dVögel nach Ihrne erschte 🧉-Erfahrige mal wieder in Usgang – chönds bruuche nachde „vepasste“ Silväschterparty…🥃
Trotz de brummende Schädel brummemersi am Morge richtig Gletscher. En ernüechternde Ablick. Ohni Wort.
Ufem Heiweg gits für eusi Vögel es Käfeli und en Tee bim Tiendita Viajera, offeriert vo Natalia & Rodrigo. Ganzganz gueti mit witere Tips für Argentinie, Kontäkt in Córdoba und überhaupt di ganzi Reis. Händ gad en Chläber vedient! Nos vemos en Iguazú 🤞
Sodeli… dä no di ledschd „Touristation“ hämer tänkt. Fitz Roy chli go tschumple schicke hämersi wele… mached eus di argentinische Summerferie en schöne Strich durd Rächnig… lleno, todo… no hay ninguna cama en En Chaltén. Hochsaison… isch ja nöd so dasmer Zält debi heted oder so. Nei me het de Lä**merama***… tja, schön wärs xi, gömer wenigschtens „schnäl“ go tanke 😂 (nei im Ärnscht, all die Blechbüchse flüschtered eus fründlech mer chöned froh si, das die YPF-Bar da die Wuche und vor alem am 5i am Abig no öppis z‘Trinke het… 😬)
Item, fahremer halt witer… völlig überraschend taucht Tres Lagos, mit Tankstell und Hostel, uf, wie usem nüt…🔨!!! Pfüsele und früe witer. Nögschti Zwüschestation Gobernador Gregores, im Gärtli lahtsech de eint no rasch vome Hund is xicht bisse, flickd aber wenigschtens no min zum 3. Mal abglotterete Chetteschutz. Merci. Und ufem Wäg nomal chli blödele…
Mal gmüetlich richtig Norde. Irgendwie… eifach mal chli ab vom Schuss etz 🤞
Hasta luego, Emil & Lisi 🤟🏍