Tafí del Valle – Cafayate – Tilcara

Ich bim’s, s’Lisi! Ja voll, eus gits no! Wüki! Sind nur chli im Wellnessufenthalt Villa Carlos Paz vehocket, defür luuuug emaaaaal 😍

Mir händ neui Füessli übercho und neui Finkli 🥰 mega läss, oder? Und früsches Mineralöl, und und und …!!! Merci Diegui, merci David, merci Eric!

Ja und ä di drü Möchtegernabetüürer hendsechs guet gah lah in Villa Carlos Paz. Bitzi usfährtli mit Endurocharakter hets auno geh, zude Los Gigantos und uf Cumbrecita zum Bispil. Chli is Schwizer Dörfli Villa Berna und no bitz Viki-Nerdy Observatorium Bosque Alegre. Zauberhaft und gmögig! Zudem jede Dunschtig Motoquero-Asado, muuuy bueno. Mucho carne, mucho Fernet se parece… e feini sach. Jede Dunschtig… sit 27 Jahr ohni Unterbruch – kän scheiss, cool oder?

Sir Burgi de Erschti isch mit sinere Queen Klaasje sogar nochli uf Cordoba go Kultur mache, Museum und Chilä und so… mich händs allerdings dehei gla und sind snobbig midem Taxi gange… allerdings Besser so, hetedmi ja irgendwo müse stahlah und das säg schins in Cordoba Capital e ganz tummi Idee…

Und dänn, eines Mäntigs – gschlagni 2ähalb Wuchä spöter isch Post cho – al final!

Merci Michelle und Kevin! Hät de Emil aso Freud drah!

Zum Dank händs (aso de Sir Burgi vorallem) dä ängschte no es Zürigschnätzleds mit Röschti und Bohnebürdeli köchelet:

Händs aso superfein gfunde! 😋

Allerdings heds dezue ä wieder guet Vino tinto und Fernecito geh… drum simmer dä nomal en Tag spöhter abgfahre – aber mer sind… hasta luego amigos, nos vemos!

Ja dänn simmer los, ehrewort, Emil und ich händs nüm für möglich ghalte. Und dänn grad richtig. Fasch 700km i eim Schnuz bis uf Tafí del Valle… boah, herrlich. Durd Salares dure isch cheibe tüppig xi, mini Bänzinpumpi hät gratteret wie blöd. Un am Schluss no dur chli Urwald-Nieselrägefeeling. Böimig!

Am andere Morge 40km scenery Tour rund ums Valle, mal neui Landschafte… impressive, eifach nume schön xi.

Ufem Wäg nach Amaicha hämer no s’erschmal 3000m knackt, so höch simmer s’erschmal xi und ä da wieder böimigs Panorama!

In Amaicha heissts wiedermal chli Kultur für eusi Motoqueros – ab is Pachamama Museum. Etz wüssemer ä werums überall die Steihüfeli hät wo ständig wachsed! Muy interesante, lehrrich und imposant. Mega gmacht. Dia de la Pachamama, dä Fiirtig, isch übrigens am erschte Auguscht! Händ beschlosse mer fiired vo etz a das! Judihui 🥳👹

Will Pachamama noni glanget het gahts ufem Wäg nach Cafayate grad no ufen bsuech zude Ruinas de los Quilmos. Magische Ort mitere tragische gschicht. In Argentinie wärdeds als Helde gfiiret wils über 130 Jahr de spanische Conquistadores dStirn bote händ. Really. Mit Speer und Pfiilboge, gäg Rüschtige und Muskete… über 8000 Ihwohner het Quilmes beherbärgt miteme oberclevere Bewässerigssystem im Hang heds Nahrig in Fülli gha für all. Brot, töpf, sogar Alkohol händs gha (hihi)… und dänn nachde ledschde Schlacht sind is Exil uf Buenos Airres tribe worde. 2500 Quilmes ufde Marsch. Ire unbekannte Region ohni z’wüsse wasme da söll mache chömed lediglich 600 ah… s’wüsse was mache hedsech denn versklavt ergeh. Ah ja und damit die tapfere nöd nomal ufmüpfig wärded händs no husch all Fraue liquidiert. Hüt, über 200 Jahr spöter sinds es eignigs Kulturerbe und dörfed sit 2012!!! wieder irne Traditione nagah – als Helde!

Womer händ los wele richtig Cafayate sinds ufmi ue ghöcklet – woruf de Emil liislig flüschteret: los mal Lisi, so glaub nöd! Wiedermal en Totalplatte, wändermi eigentli verarsche? SDritte mal… zum Glück isch Argentinie voll Gomerias und mir händ en Komprässer debi. Hurti ufpumpe und anyway uf Cafayate fahre. De Flick hinüber… super job deht, neui flick druf. Listo. Am morge früe gaht’s überd 68er richtig Salta. Ischigualasto 2.0 … me chunt nüme usem stuhne…

A Salta vebi gahts witer über dRuta 9 hacia Salvador de Jujui. Chlises ängs strössli, schnäll simmer nöd und me mus tüflisch ufpasse. Aber Rägewaldfeeling und mal chli dRänder vode neuei Finkli bruche 🏍💪

Jaaaa und dänn… häds echli Stau… chli – boa – nei – ächt jetzt – fuck me – stau… hört nüme uf. Ganz Argentinie gaht uf Tilcara an Carneval.

Churze Zwüschehalt, Purmamarca, Cierro de Siete Colores, schön hä?

Sch’ die Wand an. Zum Glück het eus de Felipe bim El Vasco es Zältplätzli reserviert, susch würemer de Spass glaub nöd mitmache. Aber heh, mer chömed ah. Herzliche Empfang und wärded vo allne site bestuhnt. Mer fahred ie und de El Vasco meint nur so bisite: buenas motos, nunca van a salir de aca! 😅

Gmüetlichs acho am Samschtig und dän heissts: CARNAVAAAAAAAAAAAAAAAAAAAL 🥳

Una locura, faltan las palabras…

De Suntig wo die zwei vollpföschte so richtig mitgmacht händ hinterlaht so heftigi Spure dases gschlagni 3 Täg zum usnüechtere in Aspruch nämed… affechöpf… immerhin, gmüetlichi Spaziergäng und hie und da es Fläschli Wii zum abgwöhne hälfed…

Am Mittwuch mögemer eus dä glich losrisse, immernochli schwummrig und mit Unterstützig vo bitz Coca-Bletter nämemer de Wäg uf La Quiaca adi Bolivianisch Gränze in Agriff. Herrlich, das Jujuy. Händ aso nöd übertribe… die ledschde 200km WOW in Argentinie. Ledschde Abig. Morn probieremer übere z’cho, nach 2 Mönet Argentinie.

Un placer Argentina! s’Hät eus aso gfalle und wämer chönd, chömemer wieder. Buena gente, buena comida, muchas tragos… e unvergässlichi zyt. Muchissimas Gracias!

Nos vemos chicos, Lisi & Emil 🏍🤟