Ja de Gränzübergang nach Peru isch aso zimmi Schoggi xi 🍫 45 Minute und däne. Zägg bumm. Drum hämmer dä nochli Zyt gha zum umeräne. Glich bis uf Puno ue, zum de Seguro mache – hät dä aber nöd klappet. Heted uf Juliaca ue müse und das hämer nöd wele… lieber Richtig Arequipa. Taktische Zwüschestop in Mañazo, ide Municipalidad und dänn überd Panamericana Antigua uf Arequipa – wow. E Asphaltstrass heds au gha, aber zue wäg Protescht und en Tag warte au kei Luscht. D‘Entscheidig isch behlohnt worde, ä wänn zwüschezitlech tricky Fahre axeit xi isch – über Schlamm, Stei, Wiese und Glungge isch ales debi xi. Vo Pampa über Mondlandschaft… Gewaltig.
Uf Cusco diräkt hämer irgendswie nöd wele. Zersch wiedermal chli fahre. Drum abe as Meer hämer tänkt. Ei Site so – die ander so… schono glatt.
Churz in Atico es Pfüsi riiisse und am Emil sini Winschutzschibe nahrepariere wo ufde Panamericana ide ledschde zwei Kurve Holperwäg wieder agrisse isch – hät aber ä müse blöd tue wi no nie. Jänu – sis Freudeli häder gha. Dänn ab uf Nazca und ufem Wäg nochli Kultur. D‘Necropolis de Chauchilla, Cahuachi Pyramide und s‘Aquädukt vo Nazca hämer eus churz geh bevormer sind go Parkplatz sueche.
Wenigschtens händs no euses Öl kontrolliert und gäbig nahgfüllt bevors eus am nögschte Morge i dem lauschige Schatteplätzli händ la stah zum i sones komisches Propällerdings stige wo irgendwie id Luft ue Schwebt. Und das für es par so alti Linie, wo niemer weis wieso das eigentli deht sind und vo wäm… aber impostant segs xi sägeds. 🤷♂️
Schön warm isches xi in Nazca. Drum simmer ja deht abe! Und dä länkeds eus grad nachem Flügerlidings wieder id Bärge ue, hät guet agfange:
Und dänn so:
Und so:
E: „Heh Lisi! Dini rächt Teleskopgable seichet!“
L: „ Ja lug doch gschider mal dini ah Emil!“
E: „Ou scheisse…“
L: „Ja scho…“
E: „Gömmer uf Cusco, vilech chömmers deht richte…?“
L: „Ja gschider isches und s‘seg schön deht…“
Machemer! Bis gli, Emil & Lisi 🏍🤟